Мектеп тарбиялаган көп кырдуу таланттар

Айдаркан Молдокулов атындагы 100 жылдык тарыхы бар мектеп ар кыл багытта ийгилик жараткан чыгаан бүтүрүүчүлөрү менен сыймыктанат.

УИТМЛ бүтүрүүчүлөрүнүн катарында өзгөчө белгилөөгө татыктуу инсандар бар:

Кожояров Элзар — таланттуу актёр жана стамотолог-врач. Ал медициналык билимди чыгармачылык менен айкалыштыра алган сейрек кесипкөйлөрдүн бири. Элзар өзүнүн сахнадагы ролдору жана бейтаптарга көрсөткөн камкордугу менен тең салмактуу инсандык үлгүнү жаратып, эки тармакта тең таанылып келет.

Алишерова Фатима — Кыргыз Республикасынын Экономика жана коммерция министрлигинде адис болуп иштеп, өлкөнүн экономикалык саясатынын өнүгүшүнө салым кошуп жаткан келечектүү мамлекеттик кызматкер. Ал УИТМЛде алган сапаттуу билимди коомдук пайдалуу ишмердикке айлантып, жаш муунга үлгү боло алды.

Мээрим Канатбекова — интерьер дизайнери жана белгилүү Onoi брендинин негиздөөчүсү. Анын чыгармачыл көз карашы жана жаңычыл дизайндары бүгүнкү күндө көптөгөн жаштарды шыктандырып, кыргыз дизайнерлеринин деңгээлин жогорулатууда. Мээримдин ишмердүүлүгү — чыгармачылыктын жана ишкердиктин кесилишиндеги ийгиликтин жандуу мисалы.