Эртең 4-март УИТМЛ КҮНҮ!
КЫРГЫЗ РЕСПУБЛИКАСЫНЫН ӨКМӨТҮНҮН 2019-жылдын 4-мартындагы №98 ТОКТОМУНА ылайык Бишкек шаарындагы Профессор Айдаркан Молдокулов атындагы Улуттук компьютердик гимназиясы Профессор Айдаркан Молдокулов атындагы Улуттук инновациялык технологиялар мектеп-лицейи деп кайра атоо жөнүндө макамы кабыл алынган күн. Андыктан аталган УИТМЛге тиешелүү баардык педагогикалык кызматкерлерди, окуучуларды, ата-энелерди жана №5ке кайдыгер карабаган баардык инсандарды УИТМЛдин күнү менен куттуктайбыз. Ошону менен бирге аталган мектеп-лицейинин жамаатына ишине албан-албан ийгиликтерди, окуучуларына окууларына зор жетишкендиктерди жана ата-энелерине чыдамкайлуулук, сабырдуулук жана да ырашкерликти кааламакчыбыз. Уюткулуу №5тин зоболосун мындан дагы бийиктиктерди багындырып, кыргыз элитасынын очогу болгон касиети жана кадыр-баркы бийиктиктерди багындырып, Кыргыз Республикасындагы Билим берүү айдыңында жаңылануунун флагманы болуп жүрө берсин демекчибиз.
